المختصر المفيد في انشاء السيرة الذاتية أو الـ CV

هاد البوست مهم لكل شخص حابب يقدم على فرصة عمل 😊..

المختصر المفيد في انشاء السيرة الذاتية أو الـ CV 😍..

بلا طول سيرة .. لح نبلش بالاساسيات مباشرة.11

السيرة الذاتية لازم تتألف من مجموعة من الأقسام وهية:

✔️ المعلومات الشخصية:

الاسم , تاريخ الميلاد , العنوان , الجنسية ....الخ

✔️ الشهادات العلمية:

بتحط الشهادات الحاصل عليها ويفضل ذكر الجامعة اللي حصلت عالشهادة منها وتاريخ التخرج واذا كانو أكتر من وحدة بتحطن الأحدث فالأقدم .

✔️ الخبرات العملية:

بتذكر الأماكن اللي اشتغلت فيها وشو كنت مستلم وأديش بقيت فيها.

✔️ المهارات:

هون بتحط كلشي مهارات عندك ياها (سحب دم أطفال , مجهريات , ...الخ)

✔️ اللغات و الكمبيوتر:

شو بتعرف لغات وكل لغة أديش قوي فيها ولا تنسى تحط أنو العربية هية اللغة الأم, وبالنسبة للكمبيوتر اذا عندك مثلاً شهادة ICDL أو شو بتعرف تشتغل برامج مايكروسوفت مثلاً .

✔️ معلومات التواصل:

رقم تلفونك واذا في ايميل وفيس بوك ولنكدان .... الخ.

هدول أهم ست أقسام , وفينا نضيف عليهم :

الاهتمامات - العمل التطوعي - الانجازات - الدورات التدريبية -

أما بالنسبة لطريقة الكتابة:

مبدأياً اذا كتبتن متل ما هنن ورا بعض على وورد وبعتو فمافي مشكلة المهم تكون المعلومات صحيحة ومو فايتة ببعضها ..

ولكن هون في الواحد يتفنن شوي ويرتبن بطريقة تخلي اللي عم يقرأ السيرة تبعك ما يمل ويلحشا من ايدو ..

في عالنت كتير نماذج جاهزة فيكم تنزلوها وفي مواقع كمان بتساعدكم بكتابة السيرة الذاتية .

فيكم تشوفو النماذج من هون :

مجموعة من النماذج 1

مجموعة من النماذج 2